Evina Qedexe (Helbest) Kitap Alıntıları – A. Sıvar Yalçın

û çend dilopên serserî
xwe danîn pencera min
nizanim ji dil dihatin
an ji esman.
nizanim hêsîr bûn
an baran.

Welatê min Kurdîstan

Ez
Li çiyayên welatê xwe
Li gelîyê Zîlanê
Li ser sûka Mehebadê
Li bajarê Halepçê
Û ew dûyên bêeman
Ku radibin ji gundan
Ku di tembûra Şivên da
Tev bûne stran
Digerim êş û keserên Kurdan

Guhdarî dikim bi hezaran dengbêjên xwezayî

Jîyan tune bê Berxwedan
Li çiyayên welatê min

Bakûr , Başûr , Rojhelat in
Mûnzur, Dicle û Ferad in
Amed, Hewlêr, Mehebad in
Tev peşmergeyên welat in
Li çiyayên welatê min

Kurd azad in tenê li wa
Li çiyayên welatê min

Derman dîsa li çîyan in
Li çîyayê welatê min

Dengê balafiran ket nav yê qîrînan
Û edî digerîya mija jehrin
Li nav bajarê kurdan

Ez
Li çiyayên welatê xwe
Li gelîyê Zîlanê
Li ser sûka Mehebadê
Li bajarê Halepçê
Û ew dûyên bêeman
Ku radibin ji gundan
Ku di tembûra Şivên da
Tev bûne stran
Digerim êş û keserên Kurdan